hai mere dil mein bas yahi aas...

Hai mere dil mein bas yahi aas ki,

kabhi to tripat hogi mere dil ki pyaas.
Kab wo din aayegaa jab main,
uske dil aur dimaag par chhaa jaaunga.
Kab wo haseen pal aayega,
jab main uski baahon mein simat jaaunga.
Bas jaaunga uske rom rom mein is tarah,
ki wo mere kareeb rahne ki dhoondhe wajah.
Uske bina sab lagtaa hai mujhe neeras.
Nahi achha lagtaa mujhe kuchh bhi uske binaa.
Har pal wo mere saamne rahe,
isee abhilashaa mein chhalak jaate hain mere nainaa.
Usse milkar aisaa lagtaa hai ki,
jindagee mein gamon ki kamee hai.
Sambhaale sambhal nahi rahi hain mujhse khushiyaan,
aur aankhon mein bahaaron ki namee hai.
Wo hameshaa meri aankhon ki chamak bani rahe,
Muskuraayein mere adhar uske saath se.
Wo mere chehre ki aabhaa ko barkaraar rakhe,
Aur nikhar jaaye meraa wayaktitv uske sparshmatr se.
Wo mere labo ke muskan bankar chalke.
Mai uske balon kaa gajraa banke mahku.
Mai uski choodiyaan banke khanaku.
Mai uski paayal banke chhanku.
Ab uskaa intjaar karte karte,
ho rahi hain meri saansein khatam.
Chaah bas hai yahi ki wo he,
sangini ke roop mein mujhe mile janam janam.