Tujhe chaaha tha kuch is kadar

Tujhe chaaha tha kuch is kadar humne ,

Ki chaahakar bhi hum tujhe paa na sake,
Tu juda bhi humse kuch is tarah se,
Ki chaahakar bhi hum tujhe bhula na sake,
Ek khwaahish basi thi iss dil me ki tujhe apna bana lu,
Kayi koshisho ke bawajood hum ise haqeeqat bana na sake,
Aati hai har raat bass tera hi khwaab lekar,
Tere aks ko hum apni zindagi se mita na sake,
Ek manzil ki talaash me raahe badal li humne,
Par un raaho par se tere nishaan hum mita na sake,
Hokar zamane ki bheed me sajayi mehfile kayi humne,
Phir bhi kisi aur ko apna kehkar hum bula na sake,
Teri rukhsat ke baad to vo khuda bhi ruth gaya humse,
Yahi sochkar phir duaao me hum haath utha na sake,
Kehta hai zamana ki tu bhul gaya hoga hume ab,
Sochkar bhi iss baat ko hum apna na sake,
Tujhse thi zindagi ki har khushi meri,
Tere baad koi aur Tamanna hum jagaa na sake….