YAAD
Kitne Aziyat say us nay mujh ko Bhulaya hoga,
Meri yadoon nay usay khoob Rulaya hoga,
Baat pe-baat Aankh us ki jo chalki hoogi,
us ne chehray ko bazuoon mein chupaya hoga ,
Soocha hoga us nay din main kayi baar mujhe,
naam hatheli par bhi likh likh ke mitaya hoga,
Jahan us nay mera Zikar suna hoga kisi se,
us ki aankhoon main koi aansu to aya hoga,
Raat ke bitne tak neend na aye hogi tujhe,
Tu ne takiye ko bhi seene se lagaya hoga,
ho ke Nidhal mere yadoon say tu ne jana,
Meri Tasveer pe sar apna tikaya hoga,
Poocha hoga jo kisi ne tere halat ka sabab....
tu ne batoon main khoob us say chupaya hoga....
No comments:
Post a Comment