Shikaayat nahi mujhko tujhse, ki tune mujhye yu sazaa di
Bas itnaa bata de sanam, ke meri galti kaha thi?
Kya shikwa karu main tujhse, tujhko kya ilzaam du?
Zindagi hai tu meri, tujhe aur kya naam du?
Zindagi ne meri, mujhe maut se battar saza di
Bas itnaa bata de sanam, ke meri galti kaha thi?
Tune kaha tha mujhse, mera saath nibhayege tu
Kasame khaayi tune, dil toad nahi jayege tu
Todaa jo dil mera, tab teri kasame kaha thi?
Bas itna bata de sanam, ke meri galti kaha thi?
Humrahi the hum dono, thi apni manzil ek
Phir ek kyu chod gaye tu mujhe, peeche mudh ke toh dekh
Main ab bhi wahi khada hu, tune choda tha jab- main jaha tha
Bas itna bata de sanam, ke meri galti kaha thi?
Chaaha tujhe chahat se jyada, pyar se jyada pyar kiya
Khudaa maan ke pooja tujhe, khud ko hi tujh par waar diya
Ab kis pe bharoosa karu, mere khuda ne mujhko daga di
Bas itna bata de sanam, ke meri galti kaha thi?
No comments:
Post a Comment